Xongt 1950 Zhongb Yangb zad shab, nyaob cuat lob deb qeut hod cuat haid nens said deuf nenb sheud jed, mol Bex Jenb ndros gongf teux ras ndenl zhangt deb qeut. Yaos rongt mongt das ax! Dangb guas, deb qeut Puk Erk cuat haid nens zheus dol sheud jed muax shab ceux yangf nat yangf ot. Wef dak khaid nyik dleuk zhaot, drous ndox hod ndox ndrout dex dlangl ros nzend shab dlangs hob gik rel, nchait mol zos Bex Jenb zeux drous zab doub hout, zeuf ntrad deuf cuat yangf jait haik dak zhit mol.  

1950年中央决定，从各地兄弟民族中选派代表，到北京参加首次国庆盛典。大喜事啊!然而，普洱区少数民族代表存在种种顾虑。由于刚解放，受到境内外反动势力蛊惑影响，怕是到了北京会被杀头，便提出样样借口推辞此行。

Bangb Qenf nbaox haid Wak dol teux jaox hot Lat Mongk, yaos hod buab teux jaox dol nenb sheud jed. Xenf Gongb Wek duax nenb hot haik ndout ral, nil ral ral dangd jat, zaik dreud haik dak: “Jat ib dos nenb lol nak jat hod god lob raol. Yaos dak god draod zhit lol, dreuk haid Wak zox ged jait, jeuf muab dol nenb nat duat dangt.”

邦箐佤部落头人拉勐，是头人中的代表人物。县工委来人几番动员，他几番回挡，继而提出:“让一个人来押在我的寨子。要是我回不来，按佤族的规矩，就得把这个人杀了。”

Zhux Tangx qib dol qeut nof hot Gongb Gox Qenb deb njoux hlaot khaod nil haik nat, muab dol dob Gongb Zhaof Dongb gus khaid nyik muax 15 xongt, sangt mol drout Lat Mongk yif uat nenb nak. Lat Mongk sangd zhit zos hod qib dangf zhenb muab nenb duax nak das, zhit muax jait draod zhit deb njoux, let nat, Puk Erk 43 dol Tuk Sib, teux jaox ndros nenb sheud jed nbangx uat nbaox mol shaib ndenl zhangt deb qeut.

竹塘区区长龚国清主动接过这个条件，把年仅15岁的儿子龚兆东，送到拉勐家做人质。拉勐没想到区长真押了人，没有理由再推辞，于是，普洱43名土司、头人和代表组成观礼团参加了国庆观礼。

Lob 10 hlit hnob 3, Maox Zhud Xix rongt shab laos zaik nzhib deb qeut Puk Erk cuat haid gud dix buab hout jaox, Lat Mongk muab dol hmod haid Wak ngous nyox uat nox blis sangt Maox Zhud Xix. Maox Zhud Xix duad hlaot Lat Mongk caik del, hmaod chuat nos dak: “Hnaod haik mex haid Wak muax zox ged jait gus zab nenb doub hout mol zit heuf, buak uat nyaos dout dak zhit shid nenb doub hout, muab zox ged jait nad dleuk hlod dangt.” Lat Mongk deb dak: “Maox Zhud Xix, god draod mol ndros duaf cix nzis nos, muab zox ged jait zab nenb doub hout nad dleuk dangt, shid doub hout nyox zit nblex.”

10月3日，毛主席亲切接见普洱区兄弟民族代表，拉勐向毛主席敬献了佤族剽牛用的梭镖。毛主席握住拉勐的手，关切地问:“听说你们佤族有砍人头祭祀的习惯，可不可以不用人头，把砍人头的习惯改掉。”拉勐回答:“毛主席，我回去和大家商量，把砍人头的习惯改掉，用牛头祭谷。”

Zhongb Yangb jat nbaox nenb shaib ndenl zaik dreud mol Tinb Jenb, Nangx Jenb, Shangf Had njis shaib, duax Chongx Qenf leud ged draod lol. Ndos ndris daox drongb dex hout jaox zhit dout drous ndel, drous duat, hax jaox dreud Maox Zhud Xix, Zhongb Yangb Renx Minx Zhenf Fud lob shab hmaod nghent tab shab shod shaot draod lol lak. Lat Mongk nzhib nenb jeuf haik: “Gongf Changd Dangd haik zos uat zos. Zhongb Gox Gongf Changd Dangd, god Lat Mongk zaox ndros druax ndrenl!”

中央安排观礼团接着赴天津、南京、上海参观，从重庆顺路返回。边疆大山里的头人们没被抓、没被杀，还带着毛主席、中央人民政府的亲切关怀和温暖回来了。拉勐逢人就讲:“共产党说到做到。中国共产党,我拉勐跟定了!”

Lob 12 hlit hnob 26, nbaox nenb shaib ndenl draod zos Puk Erk, nbangx kheb Deb Qeut Puk Erk Dif Ib Ras Cuat Haid Nens Sheud Jed Naf Ndenl. Naf ndenl kheb zos dif 5 hnob, lob 12 hlit hnob 31, naf ndenl nzis nos dinf deuf: Deb qeut Puk Erk cuat haik nens yuad ghongd raox sheud lol, ndros zhit ndros Gongf Changd Dangd dous mol, dreuk haid Wak ged jait yuad duat nyox shaib guaf, yaos dak guaf rongt, cuat lenx hout jaox jeuf houk dlex dud shab jaos lol cok pax reb.

12月26日，观礼团回到普洱，召开了普洱专区第一届兄弟民族代表大会。会议开到第五天，12月31日，会议讨论决定:普洱专区各民族要团结起来，跟不跟着共产党走，按照佤部落的习俗要剽牛卜卦，若为吉卦，各头人就喝咒水盟誓立碑。

Xongt 1951 yenx dangf, ndenl duat nyox kheb houd lak, dreuk dinf zhes nyox ghous mol ghangb deb khaod duat dis duax shout yaos guaf rongt, cuat dol hout jaox jeuf jaos lol cok pax reb. Nenb duat nyox yaos Lat Mongk, Lat Mongk ndual dangl lol zit, hmod hlout ngous hlaot mol drout dol nyox, nyox ghous ndas drout shangb lous, doub hout dis njangx drout shangb ghangb deb, khaod hmod duax shout. Nil muab hmod laif hlaot, ghut uat rongt shab laos dak: “Yeuf ndox deb njous drout beb cuat haid ghongd raox lak! Yeuf ndox zhaot njoux drout zhenf fud dex zhud yif lak!”“Houk dlex dud zheuf! Jaos lol! Cok pax reb!”

1951年元旦，剽牛仪式开始了，按照约定牛倒向南方剽口朝上为吉卦，各头人就盟誓立碑。执剽人是拉勐，拉勐念完祷文，梭镖朝牛猛刺，牛朝着左边倒下去，正好头朝南方、剽口朝上。他梭镖一丢，兴奋的高喊:“天神同意我们民族团结了!天神同意政府主张了!”“喝咒水!盟誓!立碑!”

“Beb 26 haid nens dex nenb sheud jed, sheud jed deb qeut Puk Erk cuat haid gud dix, uat duab rongt nyaob ndeuf nat duat nyox, houk dlex dud zheuf. Zix nat mol, beb yuad ib shab ib nzhuk, ghongd raox zhit dot, nyaob jex Zhongb Gox Gongf Changd Dangd zhux jaox, jaos lol wef cif zhangt lob naf juab yis uat nenx shik zis yeux shab rongt laos shid ros kud das! Lol jaos ndeuf nat.” Jaos lol dangl, 48 dol nenb uat duab rongt shout zhes nil mex lob nbet.

“我们二十六个民族的代表，代表全普洱区各族同胞，慎重地于此举行了剽牛，喝了咒水。从此，我们一心一德，团结到底，在中国共产党的领导下，誓为建设平等自由幸福的大家庭而奋斗!此誓。”誓毕，48人郑重签上自己的名字。

Zix nat, “Pax Reb Cuat Haid Ghongd Raox Jaos Lol” zhangt dout leuf. Pax Reb Cuat Haid Ghongd Raox Jaos Lol drous hot uat lob rongt nbet dak “Zhongb Gox Chab Teux Dlaif Pax Reb Cuat Haid Ghongd Raox”tab “Zhongb Gox Chab Teux Dlaif Pax Reb Dlex Nof Haid Nens”.

至此，“民族团结誓词碑”庄严建起。民族团结誓词碑被誉为"新中国民族团结第一碑"和"新中国民族工作第一碑"。

                                    （熊文国翻译）